‘एक्टर: टेक १’ को प्रदर्शन तत्काल रोक्न अदालतको आदेश

हिजो काठमान्डौमा चलचित्र ‘एक्टर टेक १ ‘ को भव्य प्रिमियर आयोजना गरियो। मल्टीस्टारर चलचित्र माघ १६ गते बुधबारबाट सार्वजनिक प्रदर्शनमा आउने तयारीमा रहेको थियो।

तर अव चलचित्र रिलिज रोक्न अदालतले आदेश दिएको छ। माघको ४ गतेबाट रिलिजमा आएको चलचित्र ‘एक्टर’ का निर्माता सम्राट थापाले दिएको उजुरीको आधारमा जिल्ला अदालत काठमाडौंले आज अन्तरिम आदेश जारी गरेको हो ।

अदालतले दुबै पक्षलाई छलफलमा समेत बोलाएको छ । निवेदक नेपाल डायस्पोरा इन्टरटेन्मेन्टका तर्फबाट कानुन व्यवसायी यज्ञमणि न्यौपानेले बहस गरेका थिए । राजन भुसालको निर्देशनमा तयार भएको चलचित्र ‘एक्टर–टेक १’मा प्रदीप खड्का, राजवल्लभ कोइराला, आना शर्मा, दिव्या रायमाझी लगायतका कलाकारहरुको अभिनय छ । मल्टीप्लेक्समा बुकिङ्ग समेत खुल्ला भैसकेको चलचित्रको रिलिज अब अन्योल भएको छ।