प्रियंका कार्कीको ‘ममी’ को डरलाग्दो ट्रेलर

माघ २५ गतेबाट प्रदर्शनमा आउने हरर फ्यामिली ड्रामा चलचित्र ‘ममी’को ट्रेलर रिलिज गरिएको छ । चलचित्र का मुख्य कलाकार प्रिंयका कार्की सुलक्षण भारतीको संवादसँगै निम्तने विभिन्न घट्ना, भूतिया आकृतिहरूसँगको भेट र अलौकिक पात्रहरूलाई डरलाग्दो तरिकाले १ मिनेट ५७ सेकेण्ड लामो ट्रेलरमा समेटिएको छ ।

चलचित्रको मंलगबार सार्वजनिक ट्रेलरले कथावस्तुको बारेमा प्रकास पार्छ । कालो विरालोलाई विशेष स्थान दिइएको चलचित्रको ट्रेलरले दर्शकमाझ कौतुहल्ता पैदा गर्ने देखिन्छ । चलचित्र मा प्रिंयका र सुलक्षणसँगै दीया मास्के, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल लगायतका कलाकारहरूको अभिनय रहेको छ ।\

सो ट्वान्टी फाइभको प्रस्तुतिमा निर्माण भएको चलचित्र मा समर निरौला र पूर्णिमा जोशीको लेखन तथा समर निरौलाको निर्देशन रहेको छ । चलचित्रको निर्माता लोक राज जोशी तथा पूर्णिमा जोशी हुन भने कार्यकारी निर्मातामा सुमन कोइराला रहेका छन् ।

चलचित्रको छायांकन निशाल पौडेल र शरद महतोले संयूक्त रुपमा गरेका हुन् भने सम्पादन सुरेन महर्जनको रहेको छ ।