जुनार र सुन्तलाको बीचमा रोमान्टिक दया र आंचल

टिजर र ब्रेकअप कविताका कारण चर्चामा रहेको चलचित्र ‘दुःखी आत्मा’को नयाँ गीतको छायांकन गरिएको छ । भक्तपुर दरबार स्क्वायर परिसरमा यो चलचित्रको। रोमान्टिक गीतको छायांकन गरिएको हो ।

यो गीतको भिडियोमा नायक दयाहाङ राई र नायिका आँचल शर्मालाई फिचरिङ गरिएको छ । यो गीतको भिडियोलाई रामजी लामिछानेले कोरियोग्राफी गरेका हुन् । गीतमा केतन क्षेत्रीको संगीत, इश्वर कार्कीको शब्द तथा कम्पोज छ ।

फागुनको २ गतेबाट रिलिजमा आउन लागेको चलचित्रमा दीपेन्द्र लामाले लेखन तथा निर्देशन गरेका हुन् । चलचित्रको टिजर सार्वजनिक भएसँगै ‘जुनार’ प्रयोग गरिएको संवाद निकै हिट छ । यसैले, यो गीतको भिडियोमा पनि सुन्तला र जुनारको प्रयोग भरपुर गरिएको देख्न सकिन्छ । आलोक शुक्लाको छायांकन रहेको यो चलचित्रलाई हिमाल कडरियाले निर्माण गरेका हुन् । सुदिप ढकाल कार्यकारी निर्माता रहेका छन्।