‘कोशेढुंगा’ लाइनअप: आर्यन, सुरक्षा र नीति प्रमुख भूमिकामा

ब्लकबस्टर चलचित्र ‘पूर्ण बहादुरको सारङ्गी’ फेम्ड निर्देशक सरोज पौडेलले ‘कोशेढुंगा’ निर्माणको घोषणा केहि समय अगाडी नै गरेका थिए। अव चलचित्रका कलाकारको लाइनअप सार्वजनिक भएको छ। चलचित्रका मुख्य कलाकारको लाइनअप पुरा भएको निर्देशक सरोजले जानकारी गराएका छन्।

चलचित्रको प्रमुख भूमिकामा आर्यन सिग्देल, सुरक्षा पन्त, प्रवीण खतिवडा र नीति शाह अनुबन्ध भएका छन्। अभाव, अग्लो सपना र संघर्षको कथा बोल्ने चलचित्र महिला प्रधान रहनेछ । फागुन २ गतेदेखि छायांकन हुने चलचित्र २०८२ मा रिलिज हुने निर्माण पक्षले जानकारी दिएको छ । नरदेवी फिल्मसको प्रस्तुति रहेको चलचित्रमा प्रेविल कँडेल र हरि महतको लगानी रहनेछ भने दिनेश खड्का कार्यकारी निर्माता रहेका छन् ।