‘रंगी’ गीत ‘तिम्रै संसार’, छोरीसंग सलोन बस्नेतको प्रेम

बाबु छोरीको सम्बन्धको कथामा तयार भएको चलचित्र ‘रंगी’ को दोश्रो गीत सार्वजनिक भएको छ। पहिलो गीत सार्वजनिक भएर चर्चामा रहेको समयमा चलचित्रको निर्माण टिमले ‘तिम्रै संसारमा’ बोलको नयाँ गीत सार्वजनिक गरेको हो। भीम बिसी र रजज्ञा श्रेष्ठको स्वर रहेको गीतमा भीम बिसीको शब्द, संगीत रहेको छ।

गीतको भिडियोमा बाबु र छोरीको मायालाई चित्रण गरिएको छ। गीतको अडियो र भिडियो सुन्दर बनेको छ। भिडियोमा चलचित्रका प्रमुख कलाकारहरु सलोन बस्नेत, नम्रता श्रेष्ठ, आयुषी ढकाल र सुमिन गुरुङको अभिनय छ । भिडियोमा शिशिर खातीको कोरियोग्राफी छ ।

सुरेश न्यौपानेको डेव्यु निर्देशनमा तयार भएको चलचित्रमा सक्षम सुवेदी, करिश्मा केसी बस्नेत र अनिश गौतम निर्माताको रुपमा रहेका छन्। चलचित्र सान्भी इन्टरटेनमेन्ट प्रालिको व्यानरमा निर्माण भएको हो। चलचित्रमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, विशाल पहारीको अभिनय छ ।