पल, नीति र बेनिशाले सुरु गरे ‘मोहर’ वर्कसप

ओम प्रतिकको निर्देशनमा तयार हुने चलचित्र ‘मोहर’ चाडै सुटिङ्गमा जाँदैछ। यतिबेला यो चलचित्रको वर्कसप चलिरहेको छ। पल शाह, नीति शाह र बेनिशा हमाल चलचित्रमा प्रमुख भूमिकामा रहेका छन्। मेकर्स प्रा.लिको प्रस्तुतिमा तयार हुन लागेको चलचित्रलाई चुम्बन जंग शाहीले निर्माण गर्दैछन्। पल नीति र बेनिशाले पहिलोपटक स्क्रिन शेयर गर्दैछन्।

पलको पछिल्लो रिलिज चलचित्र ‘रावायण’ रहेको थियो भने उनको चलचित्र ‘मायावी’ रिलिजको तयारीमा रहेको छ। बेनिशाको करियर पछिल्लो समय लयमा रहेको छ भने नीतिको ‘ज्वाईसाब’ ले बक्स अफिसमा सुखद व्यापार गरेको थियो। तीनै जनाको चलचित्र हेर्न दर्शक पक्कै उत्साहित हुनेछन्।