नाजिर र विजयको ‘हरि हजुरबा’ बिहिबार देखि मण्डलामा

बर्षको सुपरहिट चलचित्र ‘पूर्णबहादुरको सारंगी’ पश्चात अभिनेता विजय बराल रंगमंचमा फर्किएका छन्। चलचित्र ‘लाज शरणम’ को सुटिङ्ग सम्पन्न गरेपछि उनि नाटक ‘हरि हजुरबा’ मा व्यस्त भएका छन्। नाजिर हुसेनको लेखन, परिकल्पना तथा निर्देशनमा नाटक मण्डला थिएटरमा पुष ४ गतेदेखि मन्चन हुनेछ ।

यसमा नाजिर स्वयंसहित अभिनेता विजय बराल, सबिना थापा, रोहित शाह, सुजना पाण्डे, मनिष पाण्डे र रिसु राउत लगायतको अभिनय रहनेछ । निर्मातामा अभिनेताद्धय दयाहाङ राई र बुद्धि तामाङ छन् ।

नाटकले द्वन्द्वले पारेको प्रभाव र मानवीय सम्बन्धको गहिराइलाई उजागर गर्नेछ । चिठी पुर्याउदै हिँड्ने हुलाकी केटो हरि र द्वन्द्वमा हराएकी नातिनीलाई पर्खिरहेका हजुरबाको मार्मिक कथा नाटकमा प्रस्तुत गरिनेछ। आउँदो बिहीबारदेखि सुरू हुने नाटक पुस २८ गते (आइतबार) सम्म सोमबार बाहेक प्रत्येक दिन नाटक मञ्चन हुनेछ । शनिबार भने दिउँसो १ बजे र साँझ ५ः१५ बजे दुईवटा शो हुनेछन् ।