‘जेरीः अन टप’ फागुनमा नआउने , नयाँ रिलिज कहिले?

चलचित्र जेरीः अन टप’ को छायांकन अहिले धमाधम चलिरहेको छ । सरोज न्यौपानेको निर्माण र सुयोग गुरुङ्गको निर्देशनमा तयार भैरहेको चलचित्रले फागुन २ गतेलाई आफ्नो रिलिज मिति तय गरेको थियो। तर अब यो चलचित्र तोकिएको मितिमा प्रदर्शनमा नआउने भएको छ।

लुक्लाको सेड्युल सकेर काठमाडौंमा चलचित्र छायांकन भैरहेको छ। काठमान्डौपछि चलचित्र भारतको लाद्दकामा खिचिनेछ। चलचित्रको पोष्ट प्रोडक्सनको काममा समय लाग्ने भएका कारण पनि यो समयमा चलचित्र रिलिज हुन गार्हो रहेको छ। चलचित्र अर्को बर्ष रिलिज गर्ने तयारीमा निर्माण टिम रहेको बुझिएको छ। अर्को बर्षको सुरुवाती महिनामा नै चलचित्र रिलिज हुने सम्भावना रहेको छ। अनमोल केसी, भुवन केसी, केदार घिमिरे, जसिता गुरुङ, आँचल शर्मा विपना थापा लगायतका कलाकारको अभिनय रहेको छ ।