‘कल्ली’ मा जोडिए नाजिर र बर्षा, रोचक बन्दै कलाकार लाइनअप

किरण नेपालीको निर्माणमा तयार हुने नयाँ चलचित्र ‘कल्ली’ को कलाकार लाइनअप बलियो बन्दै गएको छ । सौगात मल्ल, बेनिशा हमाल र उत्तम प्रधानलाई चलचित्रमा अनुबन्ध गरिएको लामो समय भयो। उत्तम यहि चलचित्र मार्फत १ दशक पछि नेपाली चलचित्र क्षेत्रमा कमब्याक गर्दैछन् । अब यो चलचित्र दुई चर्चित कलाकारको प्रवेश भएको छ। अभिनेता नाजिर हुसेन र अभिनेत्री बर्षा राउत यो चलचित्रमा अनुबन्धित भएका छन् ।

चलचित्रमा अर्पण थापा, बुद्धि तामाङ, कमलमणि नेपाल, माओत्से गुरुङ, रविन्द्र झा, विनोद न्यौपाने, रेअर राईको पनि अभिनय रहनेछ । पौष १० गतेबाट छायांकनमा जाने चलचित्रलाई लक्ष्मण सुनारले निर्देशन गर्दैछन्। पौराणिक कथामा बन्न लागेको चलचित्रमा निर्देशक सुनारको कथा, मेष दवाडीको पटकथा र संवाद, निसाल पौडेलको छायांकन, एसडी योगीको संगीत तथा रामजी लामिछानेको कोरियोग्राफी रहनेछ। चलचित्रलाई चैत्र २९ गतेबाट रिलिज गर्ने घोषणा गरिएको थियो । अब सुटिङ्गको ढिलाईको कारण चलचित्र रोकिएको समयमा रिलिज हुने हो या हैन त्यो भने हेर्न बाँकि रहेको छ ।