कस्तो छ बद्री पंगेनीकी छोरी बिहानीको डेव्यु भिडियो ?

नेपाली गायन आकाशमा उच्च नाम राख्न सफल बद्री पंगेनीले नयाँ गीत सार्वजनिक गरेका छन्। ‘कन्या राशी’ बोलको गीत मार्फत उनले धार्मिक र सामाजिक सहिष्णुताको सन्देश प्रस्तुत गरेका छन्।

यहि गीत मार्फत उनले आफ्नी छोरी बिहानी पंगेनीलाई अभिनयमा डेव्यु गराएका छन्। हिन्दु युवती र मुसलमान युवक बीचको प्रेम सम्बन्ध र हार्दिकतालाई प्रस्तुत गरिएको १६ मिनेट लामो म्युजिकल चलचित्र आकर्षक देखिएको हो।

बिहानीको अभिनयलाई दर्शकले रुचाईरहेका छन्। आफ्नै संगीतमा तयार भएको गीतको भिडियोको निर्देशन पनि पंगेनीले नै गरेका छन्। नारायण ज्ञवालीको शब्द रहेको गीतमा बद्रीलाई समिक्षा अधिकारीले स्वरमा साथ दिएकी छिन्। प्रभात पल ठकुरी, बिहानी पंगेनी, अशोक पंगेनी, हमिद मियाँ, भवानी पंगेनी, श्याम पटेलले अभिनय गरेको भिडियोमा प्रशान्त मगरको नृत्य निर्देशन रहेको छ।