विपिन र मिरुनाको ‘ऊनको स्विटर’ बैशाखमा आउने

नविन चौहानको निर्देशनमा तयार हुँदै रहेको चलचित्र ‘ऊनको स्वीटर’ को अफिसियल पोस्टर सार्वजनिक भएको छ । बैशाख २६ गतेलाई रिलिज मिति तय गरिएको चलचित्रमा विपिन कार्की र मिरुना मगर मुख्य भूमिकामा रहेका छन्। चलचित्रका सार्वजनिक दुई पोष्टर अर्थपूर्ण हिसावले प्रस्तुत गरिएको छ। डोको बोकेर हातमा डायरी लिएका विपिनसंग मन्द मुस्कान सहित मिरुनालाई पोष्टरमा प्रस्तुत गरिएको छ। ऊनको धागोले बुनिएको डिजाइनमा ’ऊनको स्वीटर’ शीर्षकलाई राखिएको छ।

विपिन कार्की, मिरुना मगर, सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमू, शारदा देवी सिलवाल, भावना खपाङ्गी मगर लगायतको अभिनय चलचित्रमा रहेको छ । आर्टमाण्डू प्रा.लि.ले निर्माण गरेको पहिलो फिचर चलचित्रको छायाङ्कन पाँचथर र नेपाल भारत सिमाना फालेलुङमा गरिएको छ ।