‘ह्रस्व दीर्घ’ को अकुपेन्सी शनिबार पनि उच्च, शो थपिनेमा निर्माण टिम विश्वस्त

नीता ढुंगानाको लगानीमा तयार भएको चलचित्र ‘ह्रस्व दीर्घ’ कार्तिक ३० गते शुक्रबार बाट रिलिज भएको छ। नेपाली र भारतीय कलाकारको बाहुल्यता रहेको चलचित्रको हाईप उच्च रहेको छ।

सोहि हाइप लिएर रिलिज भएको चलचित्रले हाइप अनुसारको शो भने पाउन सकिरहेको छैन। ‘पूर्ण बहादुरको सारंगी’ बम्पर भैरहेको अवस्थामा चलचित्रले शो कम पाएको हो । तर पाएको शोमा चलचित्रले दर्शकको उच्च साथ पाइरहेको छ।

रिलिजको दिन बिहानी बाट नै राम्रो अकुपेन्सी पाइरहेको चलचित्रले शनिबार पनि दर्शकको राम्रो साथ पाइरहेको छ। शुक्रबार देखि नै चलचित्र हेर्ने दर्शक भेट्न कलाकारको टिम काठमान्डौका विभिन्न हल पुगिरहेको छ । वर्ड अफ माउथ पनि राम्रो बन्दै जाँदा चलचित्रले शो र व्यापारिक हिसाबमा राम्रो हुने अनुमान गरिएको छ।

चन्द्र पन्तको निर्देशनमा तयार भएको चलचित्रमा विपना थापा, नीता ढुंगाना, हरिहर अधिकारी, सरोज खनाल,किरण केसी, रेखा थापा, सञ्चिता लइँटेल, आदर्श मिश्र, ब्रह्मानन्दम, प्रदीप रावत, सुनिल बर्मा, अली, कबीर दुहन सिंह, विपना थापा, नीता ढुंगाना, हरिहर अधिकारी, सरोज खनाल, रेखा थापा, सञ्चिता लइँटेल, आदर्श मिश्र लगायतको अभिनय छ ।