पहिलो दिन ‘ह्रस्व दीर्घ’ लाई दर्शकको साथ, अकुपेन्सी उच्च हुँदा रोए दर्शक र सेलिब्रेटी

कलाकारको जम्बो टोलिको साथमा तयार भएको चलचित्र ‘ह्रस्व दीर्घ’ आजबाट प्रदर्शनमा उत्रिएको छ। चलचित्र ‘पूर्णबहादुरको सारंगी’ को दबदबाको बीचमा करिब डेढ सय शो लिएर हलमा प्रदर्शनमा आएको चलचित्रले बिहानबाट नै दर्शकको सुखद साथ पाइरहेको छ।

पाएका अधिकांश शोमा दर्शकको राम्रो उपस्थिति चलचित्र हलमा रहेको छ। यो चलचित्रको लागी सुखद पक्ष हो। वर्ड अफ माउथ र दर्शकको उपस्थितिले चलचित्रले आफ्नो शो संख्या बढाउन सक्नेछ। रिलिज तय भएको एक नेपाली र एक भारतीय चलचित्र हलमा नआएपछि चलचित्रलाई शो बढाउन राम्रो अवसर रहेको छ।

चन्द्र पन्तको निर्देशन र निता फिल्म्सको प्रस्तुतीमा तयार भएको चलचित्रमा निता ढुंगानाको लगानी रहेको छ। ब्रह्मानन्दम, प्रदीप रावत, सुनिल बर्मा, अली, कबीर दुहन सिंह, विपना थापा, नीता ढुंगाना, हरिहर अधिकारी, सरोज खनाल, रेखा थापा, सञ्चिता लुइँटेल, प्रशान्त ताम्राकार, आदर्श मिश्र लगायतको अभिनय छ । ६ करोडको लगानीमा तयार भएको चलचित्रलाई कबिरलालले खिचेका छन् ।

बिहान गरिएको प्रेश शोमा आमन्त्रीत पाहुनाले चलचित्र राम्रो बनेको प्रतिक्रिया दिएका छन्। दर्शकले पनि चलचित्रको प्रसंसा गरिरहेको कारण यसले व्यापारमा उछाल ल्याउने अनुमान गरिएको छ।