हलमा सुपरहिट भएको ‘महापुरुष’ युट्युवमा पनि रुचाईयो

बक्स अफिसमा सफल सावित भएको चलचित्र ‘महापुरुष’ ले यतिबेला युट्युव मा पनि दर्शकको राम्रो साथ पाइरहेको छ। प्रदिप भट्टराई निर्देशित चलचित्रले नेपाली बक्स अफिसमा १० करोड बराबरको कलेक्सन गर्न सफल भएको थियो ।

हरिवंश आचार्य, गौरी मल्ल, राजाराम पौडेल, अञ्जना बराईली, अरुण क्षत्री, रविन्द्र सिंह बानियाँ लगायतका कलाकारको अभिनय रहेको चलचित्र युट्युवमा केन्द्र मोसन पिक्चर्स मार्फत सार्वजनिक गरिएको छ। ११ लाख भन्दा बढी दर्शकको भ्युज पाईसकेको चलचित्रले अधिकांश सकारात्मक प्रतिक्रिया बटुलिरहेको छ।

एकल बुबाले आफ्ना इच्छाहरु दबाएर सन्तानका सपना पुरा गरेको यात्रामा बुढेशकालमा बसेको मायाले ल्याएको उथलपुथलको कथामा मर्मस्पर्सी प्रस्तुतीलाई दर्शकले रुचाएका छन्। षटकोण आर्ट्सको प्रस्तुतीमा बनेको चलचित्रको निर्माता म्याक्स दिपेश खत्री र कार्यकारी निर्माता रविन्द्र सिंह बानियाँ हुन्।