छायांकन अगावै विपिन कार्कीको ‘कर्मा’ को अन्तर्राष्ट्रिय वितरण अधिकार बिक्रि

सौरभ चौधरीको निर्देशनमा तयार हुने चलचित्र ‘कर्मा’ को विदेश राइट्स बिक्रि भएको छ। विपिन कार्की प्रमुख भूमिकामा रहने चलचित्रको सुटिङ्ग सुरुवात भएको छैन। आगामी चैत्र २९ गतेबाट रिलिज घोषणा गरिएको चलचित्रको अन्तर्राष्ट्रिय वितरण अधिकार सेभेन सिज इन्टरटेन्मेन्टले खरिद गरेको छ ।

सौरभले निर्देशन गरेको चलचित्र ‘अगत्स्य’ ले नेपाल सहित विदेशमा राम्रो व्यापार गरेको थियो । अभिनेता विपिन कार्कीका चलचित्रको विदेश माग पनि राम्रो रहेको छ । सोहि कारण चलचित्रको अन्तर्राष्ट्रिय वितरण अधिकार घोषणा लगत्तै भएको हो । आर्टिस्टिक इन्टरटेनमेन्टको प्रस्तुति रहेको
चलचित्रमा वसन्त लम्साल निर्माताको रुपमा रहेका छन्। चलचित्रमा विपिन बाहेक अन्य कलाकारको बारेमा जानकारी गरिएको छैन ।