किन रोकियो नाजिर हुसेनको ‘गुन्यो चोलो’ रिलिज ?

अभिनेता नाजिर हुसेन मुख्य भूमिकामा रहेको चलचित्र ‘गुन्यो चोलो’ पोष्टर रिलिज देखि नै चर्चामा रहेको छ। नाजिरले पहिलोपटक ट्रान्सवुमनको भूमिकामा अभिनय गरेको चलचित्रको कात्तिक ९ गतेलाई प्रदर्शन मिति घोषणा गरिएको थियो ।

अन्तराष्ट्रिय हिसाबले प्रदर्शनको तयारि गरिएको चलचित्रको पोस्ट प्रोडक्सनको काम बाहिर नै भैरहेको छ। समुन्द्र भट्टको निर्देशनमा तयार भएको चलचित्रको चाँडै एउटा ठूलो खबरसहित नयाँ प्रदर्शन मिति घोषणा गरिने भनाइ निर्माण टिमको रहेको छ।
चलचित्रमा नाजिरसहित सञ्चिता लुईंटेल, विशाल पहारी, सुशील सिटौला, अनुपम श्रेष्ठ, निशा बजगाईं लगायतको अभिनय रहेको छ । निर्देशक भट्ट र अभिनेता हुसेनको पटकथा एवं संवाद लेखन रहेको चलचित्रका लागी नाजिरले १५ केजी तौल घटाएका थिए।