‘बेहुली फ्रम मेघौली’ को अमेरिका राइट्स बिक्रि, नेपालसंगै प्रदर्शन हुने

असोज १७ गते घटस्थापनाबाट प्रदर्शनको तयारीमा रहेको चलचित्र ‘बेहुली फ्रम मेघौली’ को टीम यतिबेला प्रचारपसारमा व्यस्त रहेको छ। चलचित्र गीत र ट्रेलरले राम्रो हाइप बनाईरहेको छ। निश्चल बस्नेत र स्वस्तिमा खड्का मुख्य भूमिकामा रहेको चलचित्रको चर्चासंगै विदेश डिमाण्ड पनि बढ्दै गएको छ। यतिबेला चलचित्रको टीम विदेश राइट्स बिक्रि गरिरहेको छ। नेपाली चलचित्रको ठुलो बजार अमेरिकामा चलचित्र बिक्रि भएको छ।

नेपसिने, हिमालीफाई, खड्का ग्रुप, नेपाल इन्टरटेनमेन्ट र ब्लुम एण्ड कम्पनीले चलचित्रको अमेरिका प्रदर्शन अधिकार खरिद गरेका हुन् । घटस्थापनाबाटै डलास, बोस्टन, न्युयोर्क र सान फ्रान्सिस्को लगायतका ६० बढी अमेरिकाको सहरहरुमा चलचित्र रिलिज गरिने जनाइएको छ । अष्ट्रेलिया, युरोप तथा मध्यपूर्वका देशहरुका लागि पनि छलफल भइरहेको निश्चल बस्नेतले जानकारी दिए ।

स्वस्तिमा खड्का, निश्चल बस्नेत, बसुन्धरा भुषाल, सिम्रन खड्का, विजय बराल, लोकेन्द्र लेखक, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, रक्षा थापा लगायतको अभिनय रहेको चलचित्रलाई निश्चल र स्वस्तिमाले संयुक्त रुपमा निर्माण गरेका छन्। चलचित्रमा साजन काफ्ले र आकाश बरालको लेखन तथा निर्देशन रहेको छ।