‘ज्वाइँ साब’ को क्लाइमेक्स दृश्य भाइरल बन्दै, जितु र नीति यस्तो लुक्समा देखिए

जितु नेपाल र नीति शाह प्रमुख भूमिकामा रहेको चलचित्र ज्वाइँ साब’ को चर्चा बढ्दै गएको छ। असोज २४ गते फूलपातीबाट रिलिज तयारीमा रहेको चलचित्रको सार्वजनिक पोस्टर, टिजर र गीत ‘कसम बत्तीको ’को बाट चर्चा बढेको हो । यहि बीचमा चलचित्रको क्लाइमेक्स दृश्य बाहिरिएको छ।

त्रिभूवन विमानस्थलमा जितु नेपाल सेतो पहिरनमा हातमा बच्चा बोकेर हिँड्दै गरेको देखिएका छन् । उनले निलो ब्याग, पासपोर्ट पनि बोकेका छन् । उनको पछाडि निती शाह खादा र नेपालको झण्डा बोकेर भावुक मुद्रामा उभिएकी छन् ।

भिडियोमा जितुलाई बिदाई गरेर नीति हिँडेको देख्न सकिन्छ । यो दृश्यले विमानस्थलमा आफन्तको बिदाईमा उपस्थित मानिसहरुको प्रतिनिधित्व गरेको छ । टिकटकमा यो दृश्य भाइरल भैरहेको छ।

राजकुमार पण्डित प्रस्तुतकर्ता रहेको चलचित्रलाई बसन्त निरौलाले निर्देशन गरेका छन् । चलचित्र हिमेश पन्त, बुद्धि तामाङ, प्रकाश घिमिरे, रमेश बुढाथोकी, शिशिर वाङ्देल, दीपक आचार्य ‘काकु’ लगायतको अभिनय रहेको छ ।