यस्तो छ ‘एक्टर’ मा प्रदिप खड्काको नयाँ लुक्स

पोस्ट प्रोडक्सनमा रहेको चलचित्र ‘एक्टर: टेक वान’को दोस्रो अफिसियल थिम पोस्टर सार्वजनिक भएको छ । निर्माणपक्षले आज थिम पोस्टर सार्वजनिक गरेको हो ।

पोस्टरमा चलचित्रका मुख्य कलाकार प्रदीप खड्कालाई देख्न सकिन्छ । लामो कपालमा रहेका उनको अनुहारभरी घाउचोट लागेको आलो रगत छ । कात्तिक १५ गते रिलिज हुने चलचित्र ‘एक्टर’ मा प्रदीपसँगै डेव्यु अभिनेत्री दिव्या रायमाझी, आना शर्मा, राजवल्लभ कोइराला, दिव्य देव, सुशील सिटौला लगायत कलाकारको अभिनय रहनेछ ।

राजन भुसालको निर्देशन रहेको चलचित्रका निर्माता थमन कुमारी भण्डारी हुन् । अदृत फिल्मस् र मोती फिल्मस्को प्रस्तुतिमा रहेको चलचित्रलाई नरेन्द्र मैनालीले खिचेका छन् ।