‘लाज शरणम्’ बाट हरिश निरौलाको चलचित्र डेव्यु पक्का

नेपाली हास्य टेलिश्रृंखलामा पछिल्लो समय सर्वाधिक रुचाइएको शृंखलाको ‘सक्किगोनि’। यहि समुहले चलचित्र ‘लाज शरणम्’ निर्माणको घोषणा केहि समय अगाडी गरिसकेको छ । यतिबेला वर्कसप चलिरहेको चलचित्रका कलाकारहरु एकपछि अर्को गर्दै सार्वजनिक भैरहेका छन् ।

चलचित्रमा अधिकांश कलाकार ‘सक्किगोनि’ टिमका नै रहेका छन्। चलचित्रमा अर्जुन घिमिरे ‘पाँडे’, मुकुन्द श्रेष्ठ, विजय बराल, महेश त्रिपाठी, कमलमणी नेपाल रेनुनाथ योगी, सागर लम्साल ‘बले’, प्रियना आचार्य ‘मुन्नी’, माला लिम्बू लगायत अनुबन्ध भइसकेका छन् । यहि बीचमा चलचित्रमा हरिश निरौला ‘कक्रोज’ को प्रवेश भएको छ। यो हरिशको डेव्यु चलचित्र हो। कुमार कट्टेलको लेखन तथा निर्देशन रहने चलचित्र फागुन १४ गते महाशिवरात्रिबाट प्रदर्शनमा आउनेछ। चलचित्रको निर्मातामा नवीन श्रेष्ठ तथा सह–निर्मातामा राम नरेश शाह रहेका छन् ।