पोल्याण्डबाट एक महिने युरोप यात्रा सुरु गर्दै तीन कमेडियन

पछिल्लो समय कमेडीको शैली बदलिदो छ। नयाँ पुस्ताका कमेडियनले यसको उचाईलाई अझ बढाउदै लागिरहेका छन्। देशसंगै विदेशमा पनि हसाउन पुगिरहेका छन्। यहि बीचमा युरोपका विभिन्न देशमा तीन कमेडियनले आफ्नो प्रस्तुती दिने भएका छन् ।

मामा इभेन्ट्स र गुरुङ केएनएस इन्टरटेन्मेन्ट्सको संयुक्त आयोजनामा ‘अब हाँस्छ युरोप’ कार्यक्रमको आयोजना हुँदैछ। भरतमणि पौडेल, सुमन कार्की र कैलाश कार्कीले कार्यक्रममा आफ्ना प्रस्तुतिहरु दिनेछन्। ३१ तारिखदेखि पोल्यान्डको तेस्रो ठूलो सहर उचबाट यी तीन कमेडियनको यात्रा सुरुवात हुनेछ। एक महिना बढी चल्ने युरोप यात्राका लागि पोल्यान्ड, बेल्जियम, फिनल्यान्ड, माल्टा, स्पेन, पोर्चुगल, नर्वे, डेनमार्क लगायतका १ दर्जनभन्दा बढी स्थानमा कार्यक्रम तय भएको छ। पोल्यान्डमा हुने कार्यक्रमको व्यवस्थापन एनआरएनए क्षेत्रीय समिति उचले गरिरहेको छ। उचस्थित होटल रुबिनमा साँझ ७ बजेबाट हुनेछ। ५ सय बढी दर्शकको उपस्थिति हुने अपेक्षा आयोजकले गरेको छ ।