‘बेहुली फ्रम मेघैली’ गीत: ‘छड्के सलाम’ भन्दै र स्वस्तिमाको डान्स

निश्चल बस्नेत र स्वस्तिमा खड्का मुख्य भूमिकामा रहेको चलचित्र ‘बेहुली फ्रम मेघौली’ को नयाँ गीत सार्वजनिक भएको छ। कालिप्रसाद बास्कोटा र बबिना किरातीको आवाजमा रहेको ‘छड्के सलाम’ बोलको गीत आज सार्वजनिक भएको हो। जयन जे वाइवाको शब्द र संगीत रहेको गीतमा निश्चल बस्नेतको पनि अवाज सुन्न सकिन्छ।

प्रदिप लामा र कविका खत्रीको कोरियोग्राफी रहेको गीतमा निश्चल र स्वस्तिमाको साथमा चलचित्रमा प्रमुख कलाकारहरुले नाचेका छन् । भिडियो र अडियो दुवै आकर्षक बनाउन निर्माण टिमले मिहेनत गरेको देखिन्छ।

असोज १४ गते घटस्थापनाबाट रिलिज हुने चलचित्रमा साजन काफ्ले र आकाश बरालले लेखन र निर्देशन रहेको छ। स्वस्तिमा खड्का र निश्चल बस्नेत चलचित्रको निर्माताको रुपमा रहेका छन्। चलचित्रमा निश्चल र स्वस्तिमाको साथमा बसुन्धरा भुसाल , विजय बराल, लोकेन्द्र लेखक , सिरु बिष्ट, अमिर गौतम , सिमरन खड्का, अभिषेक खड्का लगायतका कलाकारको अभिनय रहेको छ ।