पल र पूजाको ‘रावायण’ सुटिङ्ग सकियो

भदौ २१ गतेबाट रिलिज तयारीमा रहेको चलचित्र ‘रावायण’ को सुटिङ्ग सकिएको छ। बाँकी रहेको एक रोमान्टिक गीतको सुटिङ्ग गर्दै निर्माण टीमले सम्पूर्ण सुटिङ्ग सकिएको जानकारी दिएको हो।

टिजर र गीत रिलिजसंगै चर्चामा रहेको चलचित्रलाई सुदर्शन थापाले निर्देशन गरेका छन्। पूजा शर्माको लगानीमा तयार भएको चलचित्रमा पल शाह र पूजा शर्मा मुख्य भूमिकामा रहेका छन्। पल शाह दोहोरो भूमिकामा रहेको चलचित्रमा प्रियंका कार्की, प्रमोद अग्रहरी, निकिता चाण्डक, शर्मिला मल्ल, प्रदिप ढकाल लगायतका कलाकारको अभिनय रहेको छ।