‘रावायण दोश्रो पोष्टर: एंग्री पूजा शान्त पल

भदौ २१ गतेबाट पूजा शर्मा र पल शाह मुख्य भूमिकामा रहेको चलचित्र ‘रावायण’ को पोष्टर सार्वजनिक भएको छ । पल र पुजालाई फिचर गरेर निर्माण टीमले दोश्रो पोष्टर सार्वजनिक गरेको हो।

पहिलो पोस्टरमा नायक पल शाहको एङ्ग्री अवतारलाई समावेश गरिएको थियो । दोस्रो पोष्टरमा पल शाह केही शान्त देखिएका भने नायिका पूजा शर्मा रिसाएकी छिन् । पल र पूजाको पृष्ठभूमिमा ‘एसिड आक्रमण गर्ने अपराधीलाई कारवाही गर’ भनेर लेखिएको देख्न सकिन्छ । टीजरमा केहि स्पष्ट नखुलाईए पनि सार्वजनिक पोस्टरबाट भने चलचित्रले एसिड आक्रमणको कथा उठाएको हुनसक्ने बुझिन्छ। सुदर्शन थापा प्रोडक्शन र पूजा शर्मा प्रोडक्शनको ब्यानरमा निर्माण भएको चलचित्रमा पूजा शर्माको लगानी रहेको छ।
पल र पूजाको साथमा चलचित्रमा प्रियंका कार्की, प्रमोद अग्रहरी, निकिता चण्डक, प्रकाश शाह, अर्जुनजंग शाही, शर्मिला मल्ल, प्रदीप ढकाल लगायतका कलाकारहरुको अभिनय छ ।