भदौबाट ‘जेरीः अन टप’ को छायांकन, फागुनमा रिलिज

अनमोल केसी, जसिता गुरुङ्ग र आंचल शर्मा मुख्य भूमिकामा रहेको चलचित्र ‘जेरीः अन टप’को छायांकन भदौको ३ गतेबाट सुरु हुने भएको छ । चलचित्रका निर्माता सरोज न्यौपानेले प्रि–प्रोडक्शनको काम अन्तिम चरणमा पुगेको र चलचित्रको छायांकनका लागी तयार भएको जानकारी दिएका हुन्।

भारतको लद्दाकमा लोकेशन हेरेर फर्किएको टिमले छायांकनका लागी तयारी भएको जानकारी दिएका हुन्। केही दृश्य र गीत लद्दाकमा खिच्दै चलचित्रको अन्तिम चरणको छायांकन गर्ने तयारीमा निर्माण टिम रहेको छ। चलचित्र फागुन २ गतेबाट रिलिज गर्ने तयारीमा निर्माण टिम रहेको छ। चलचित्रलाई सुयोग गुरुङ्गले निर्देशन गर्दैछन् ।