रोमान्टिक धिरज र उपासना, ‘खुस्मा’ पहिलो गीतमा कस्तो देखियो केमेष्ट्री ?

धिरज मगर र उपासना सिंह ठकुरी मुख्य भूमिकामा रहेको चलचित्र ‘खुस्मा’ को पहिलो गीत रिलिज भएको छ। ‘खुशीका पल बटुलेर’ बोलको गीतमा एसडी योगी र विज्ञानी पराजुलीको स्वर, एसडी योगीको संगीत र राम अविरल विष्टको शब्द रहेको छ ।

सार्वजनिक गीतमा चलचित्रका शीर्ष कलाकार धिरज मगर तथा उपसना सिंह ठकुरीको मिठास पूर्ण प्रेमाभाव देख्न सकिन्छ । गीतको भिडियोमा पूर्वी रुकुमका सुन्दर दृश्यहरु कैद गरिएको छ। सुरेन्द्र राईले गीतको भिडियोमा कोरियोग्राफी गरेका छन्।
अशोक थापामगर चलचित्रका लेखक-निर्देशक हुन्। यसअघि केही डकुमेन्ट्री चलचित्र लेखन तथा निर्देशन गरेका थापाको ‘खुस्मा’ ठुलो पर्दाको डेब्यू चलचित्र हो । डकुमेन्ट्री चलचित्रबाट निर्देशक थापाले नौ वटा विभिन्न अर्न्तराष्ट्रिय चलचित्र महोत्सवबाट अवार्ड प्राप्त गरिसकेका छन् । असोज ३ गते रिलिज रिलिज हुने चलचित्र एम मिडिया प्रालिको ब्यानरमा निर्माण भएको छ। चलचित्रका निर्मातामा विर बहादुर लामा, चन्द्र बहादुर भट्टचन र बेतान मगर छन्।

धिरज र उपासनाका साथमा चलचित्रमा माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकारको अभिनय रहेको छ ।