‘एक भगवत् गीता’: पहिलो गीतमा धिरज र सुहानाको केमेष्ट्री कस्तो देखियो ?
भदौ २९ गतेबाट रिलिज तयारीमा रहेको चलचित्र ‘एक भगवत् गीता’ को पहिलो गीत सार्वजनिक भएको छ । ‘मायालाई चिनो’ बोलको गीतमा शंकर अधिकारी घायलको शब्द रचना, बाबुल गिरीको एरेञ्ज, संगीत तथा स्वर रहेको छ।
![](https://i0.wp.com/www.mnmnepal.com/wp-content/uploads/2023/08/dhiraj-and-suhana.jpg?resize=720%2C364&quality=100&strip=all&ssl=1)
दुई फरक समुदायका धिरज र सुहानाको लभ केमेष्ट्री भिडियोमा देखाइएको छ। कविराज गहतराजको कोरियोग्राफी तथा संकल्प भुजेलको डिओपी रहेको गीत कास्कीका रमणीय स्थानमा खिचिएको छ । भिडियोमा धिरज र सुहानाको केमेष्ट्री आकर्षक देखिएको छ।
अन्तरजातीय प्रेमकथामा आधारित रहेको चलचित्रमा धिरज र सुहानाको साथमा विपिन कार्की, कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरको अभिनय रहेको छ । विपिन कार्की चलचित्रको सार्वजनिक पोष्टर र टिजरमा सशक्त देखिएका छन्।
झरना थापाको निर्देशनमा तयार भएको चलचित्रको कन्सेप्ट सुहाना थापाको र कथा निर्देशक झरनाको रहेको छ। सुनिल कुमार थापाले चलचित्रको निर्माण गरेका छन्।