ह्याट्रिक हिटको पर्खाइमा स्वस्तिमा, तीज देखि तिहारसम्म रिलिजको तयारी
अभिनेत्री स्वस्तिमा खड्काका लागी बर्ष २०८० बिशेष बन्ने पक्का छ। सर्वाधिक व्यस्त अभिनेत्रीको रुपमा आफ्नो पहिचान बनाउदै गएकी खड्का अभिनित ३ चलचित्र यो बर्ष रिलिजको तयारीमा रहेका छन्। भिन्न चरित्रमा आफुलाई प्रयोग गर्न रुचाउने स्वस्तिमाका पछिल्ला केहि चलचित्र व्यापारिक हिसाबले सफल रहे। तर २०८० स्वस्तिमाको लागी सानदार बन्ने आंकलन धेरैले गरेका छन्। स्वस्तिमा अभिनित चलचित्र ‘अैंचो- पैंचो’ भदौमा रिलिज हुने तयारीमा रहेको छ। कृषा चौलागाईको निर्देशनमा तयार भएको चलचित्रमा खड्काको साथमा बर्षा राउत र मुकुन भुषाल मुख्य भूमिकामा रहेको छ ।
निर्माण घोषणा देखि नै चर्चामा रहेको चलचित्र ‘पशुपति प्रसाद २- भष्मे डन’ दशैमा रिलिजको तयारीमा रहेको छ। अझ चलचित्रको सुटिङ्गका लुक्स सार्वजनिक भएपछी चर्चा झन् बढी चुलिएको छ । दिपेन्द्र के खनालको निर्देशनमा तयार भएको चलचित्रमा विपिन कार्की मुख्य भूमिकामा रहेका छन्। व्यापारिक हिसाबले यो चलचित्र अब्बल रहने आंकलन रहेको छ।
त्यस्तै निर्देशक निश्चल बस्नेतको निर्देशनमा पहिलोपटक स्वस्तिमाले अभिनय गर्दैछिन्। तिहारमा रिलिज मिति तय गरेको चलचित्र ‘दिमाग खराब’ मा खड्काको साथमा दयाहाङ राई, खगेन्द्र लामिछाने लगायतका कलाकारको अभिनय रहेको छ। निश्चलको निर्देशकीय कमव्याक रहेको चलचित्र धेरैका लागि अपेक्षित रहेको छ।
