प्रिज्मासंगको प्रेम ब्रेकअप बारे बलेको जवाफ,’साथी मात्र थियौ बाँकी केहि थिएन’

नेपाली कलाकारिता क्षेत्रमा आफुलाई स्थापित गरिसकेको नाम हो, सागर लम्साल ‘बले’ । बिशेष गरि टेलिचलचित्र ‘भद्रगोल’ र यसको ‘बले’ पात्र सागरको करियरको लागी स्वर्णिम बन्यो । पछिल्लो समय म्युजिक भिडियोमा खोजिने नाम मध्येमा पर्दछ, सागरको। लगातार सफल म्युजिक भिडियोमा काम गरेका सागर पछिल्लो केहि समयबाट कामसंगै प्रिज्मा खतिवडासंगको प्रेम र ब्रेकअप खबरले चर्चामा रहे । केहि बर्षबाट संगै सहकार्य गरिरहेका प्रिज्मा/प्रिन्सी खतिवडासंग अभिनय गरेका भिडियो सागरले आफ्नै युट्युव च्यानल मार्फत हालेका छन् । आफुलाई राम्रो साथी बताउने दुवैले प्रेम सिधा रुपमा स्विकार नगरेपनि दुवैको प्रेम कसैसंग लुक्न सकेको थिएन। केहि समय अगाडी प्रिन्सी/प्रिज्माले दिएको एक अन्तर्वाता पछी यी दुवैको प्रेम र ब्रेकअपको चर्चा चुलियो । सामाजिक संजालमा मिश्रित क्रिया प्रतिक्रिया आए। भन्न खोजेको कुरालाई गलत अर्थ लगाईएको भन्दै प्रिज्माले त सागरसंग माफी नै मागिन् । उनले सागर र उनका फ्यानलाई चोट परेमा माफी दिन समेत अनुरोध गरिन् ।

यता बले भने यी सवै कुरामा मौन नै बसे । मिडियासंग एक कार्यक्रममा उनको लुकाछिपी र भागदौडको दृश्य त रोचक नै बन्यो। केहि महिना बले सार्वजनिक कार्यक्रम देखि भिडियोबाट पनि टाढा रहे । बुबा बिरामी र आफ्नै खुट्टाको समस्याको कारण बाहिर ननिस्किएको बताए।
लामै समयपछी नै किन नहोस् बलेको मुख खुल्यो । एक अन्तर्वातामा उनले कुरै नसुने र नबुझे झैँ गरे। अव त्यत्रो चर्चामा रहेको बिषय नसुन्ने कुरा त पत्यारलाग्दो पक्कै भएन ।

आफ्नै च्यानलमा नयाँ गीत आउने भएपछी सागर लामो समयपछी पत्रकार सम्मेलनमा देखिए । उनलाई प्रश्न गरिहालियो, के थियो यो सवैको कारण ? बलेले पनि हाँस्दै कति प्रश्नबाट भाग्न खोजे । लगातार प्रश्न आएपछि आफुले त्यो भिडियो हेरेको तर त्यो मेरो लागी भनाई नभई उहाहरुको व्यक्तिगत कुराहरु भएको बताए। उनले आफुहरु कहिले प्रेममा नरहेको र दुवै मिल्ने साथी भएको बताए ।
अव सागरले नै भनेपछी पत्याउनै पर्यो । जे जस्तो भए पनि व्यतिगत र व्यावासायिक दुवै क्षेत्रमा साथ देखिने यी तीनको सहकार्य नभएको लामै समय भैसक्यो ।