‘जन्ते बाख्रो’ गीतमा रोमान्टिक सौगात र गरिमा, जेठ ९ मा प्रदर्शनमा आउने

चलचित्र ‘जन्ते बाख्रो’ ले आफ्नो नयाँ रिलिज मिति सहित पहिलो गीत सार्वजनिक गरेको छ। चलचित्रमा समावेश ‘घामै राजा’ बोलको गीत सार्वजनिक गरेको हो । गीतमा बाबुल गिरीको शब्द रचना, संगीत तथा स्वर रहेको छ। कर्णप्रिय सुनिएको गीतको भिडियोमा सौगात मल्ल र गरिमा शर्मालाई रोमान्टिक अवतरमा प्रस्तुत गरिएको छ। गीतको भिडियोको अन्तिममा आशिफ शाहलाई सप्राइज प्याकेजको रुपमा प्रस्तुत गरिएको छ ।

गीत रिलिज समारोहमा चलचित्रमा नयाँ रिलिज मिति पनि तय गरिएको छ। जेठ २३ गतेलाई रिलिज मिति तय गरिएको चलचित्र अव जेठ ९ गतेबाट प्रदर्शनमा आउनेछ । सिमोस सुनुवारले निर्देशन गरेको चलचित्रमा सन्तोष गौतमको लगानी रहेको छ।

निर्माता गौतमले चलचित्रका मुख्य अभिनेता सौगात मल्ल मुख्य भूमिका रहेको चलचित्र ‘भाईरल गोर्खे’ अर्को हप्ता नै प्रदर्शन आउने भएकाले टाइम ग्यापको लागि दुई हप्ता प्रि-पोण्ड गरिएको बताए । आफु र आफ्नो टिमले जन्ते बाख्रो निर्माणमा निकै मेहनत गरेकाले दर्शकले चलचित्र रुचाउनेमा आशावादी रहेको उनको भनाई यो । आफु जन्ते बाख्रोको नेपाल र विदेश रिलिज एकै पटक गर्ने तयारीमा रहेको पनि खुलाए । निर्देशक सिमोस सुनुवारले पनि आफ्ना अघिल्ला चलचित्रको गल्ती कमजोरी ‘जन्ते बाख्रो ’मा सुधार गर्दै दर्शकमाझ एउटा राम्रो चलचित्र पस्किने तयारी गरेको बताए ।

चलचित्रकी मुख्य अभिनेत्री गरिमा शर्माले आफु पहिलो पटक चलचित्रमा मुख्य भूमिकामा देखिएकाले स्टेज चढ्दा डर लागेको बताइन् । चलचित्रमा सौगात, आशिफ र गरिमासँगै रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतम, कुशल गजमेर लगायतका कलाकारहरुको अभिनय रहनेछ ।

मुईन इन्टरटेनमेन्टको प्रस्तुती रहने ‘जन्ते बाख्रो’ सामाजिक कमेडी कथावस्तुमा निर्माण भएको छ । प्रदीप भारद्धाजको कथा, पटकथा र संवाद लेखन चलचित्रमा रहेको छ। चलचित्रमा हरि हुँमागाईको डिओपी, उत्तम हुँमागाईको सिनेमाटोग्राफी, सुनिल शिवभक्तिको सम्पादन रहेको छ।