विपिन कार्की एक्सनमा उत्रिएको ‘कर्मा’ ट्रेलर कस्तो छ ?

चैत्र २९ गतेबाट रिलिज तयारीमा रहेको चलचित्र ‘कर्मा’ को ट्रेलर सार्वजनिक भएको छ। बिहिबार काठमान्डौमा एक कार्यक्रमको आयोजना गर्दै सार्वजनिक गरिएको ट्रेलरमा एक्सनलाई प्रमुख स्थान दिईएको छ। एक्सन र भावनात्मक पाटोलाई बिशेष दिईएको ट्रेलरमा चलचित्रका प्रमुख कलाकारहरुलाई स्थान दिईएको छ । विपिन कार्की, उपासना सिंह ठकुरी, मुकुन भुषाल, दिव्यदेव, सरिता गिरि लगायतले ट्रेलरमा स्थान पाएका छन्।

आफ्नो उदेश्य प्राप्तिका लागी हिडेको एक युवा जो भ्रष्ट समाज र त्यसको प्रतिफलले कुन हदसम्म पुर्याउछ भन्ने कथा ट्रेलरमा समावेश गरिएको छ। विपिन कार्कीको एक्सन ट्रेलरमा निर्माण टिमले भरपुर प्रयोग गरेको छ। पहिलोपटक उनको यो एक्सन चलचित्र हो।

सौरभ चौधरीले पुन एकपटक एक्सन कथालाई चलचित्रमा बुनेका छन्। नेपाल र विदेशमा एकसाथ प्रदर्शनमा आउने चलचित्रमा बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ। आर्टिस्टिक इनटरटेनमेन्टको प्रस्तुति रहने ‘कर्मा’ मा वसन्त लम्सालको लगानी रहेको छ । ‘कर्मा’ले अन्तर्राष्ट्रिय प्रदर्शन अधिकार बिक्रीको अधिकार सेभेन सिज सिनेमाले लिएको छ । यो चलचित्रमा भाष्कर स्वाँरको संगीत निर्देशन, कविराज गहतराजको कोरियोग्राफी, श्री श्रेष्ठको द्वन्द्व निर्देशन र निमेष श्रेष्ठको सम्पादन छ ।