‘पाटन फेस्ट’ मा दुर्गेश, जोन एण्ड द लोकल्स, पुर्ण राईले एकसाथ प्रस्तुती दिदै

चैत्र २३ गते अर्थात शनिबार नेपाल रोयल मल्टिप्रपोजको एकल आयोजनामा हुन लागेको ‘पाटन फेस्ट २०२५’ मा गायक दुर्गेश थापासहित विभिन्न व्याण्डहरुले प्रस्तुति दिने भएका छन् । शनिबार मध्यान्न १२ बजेबाट ललितपुरको च्यासल खेल मैदानमा आयोजना हुने यो महोत्सवमा १० हजार बढी दर्शकको उपस्थिती रहने अपेक्षा आयोजकको छ ।

यो महोत्सवमा युवापुस्ताका चर्चित गायक दुर्गेश थापाले दर्शक झुमाउनेछन् । उनी अतिथी गायकको रुपमा यो फेस्टमा दर्शकमाझ प्रस्तुत हुन लागेका हुन् । साथमा, ‘जोन एण्ड द लोकल्स, पुर्ण राई दाजुभाइहरु, अल्बारोस, स्वार’ लगायतका व्याण्डका कलाकारहरुले पनि दर्शक झुमाउनेछन् ।

दर्शकले यो महोत्सवमा सहभागी हुनका लागि खल्ती एपबाट टिकट काट्न सक्नेछन् । कार्यक्रममा सहभागी हुनका लागि दर्शकले ९ सय, बाह्र सय, र दुई हजारसम्मका टिकट काट्न सक्नेछन् । कार्यक्रममा सुविधासम्पन्न खानेकुराका लागि २० वटा स्टल राख्ने तयारी आयोजकको छ । आयोजकले कार्यक्रममा प्रवेश गर्ने दर्शकले सुविधा सम्पन्न र अत्याधुनिक प्रविधिबाट तयार पारिएको साउण्ड सिस्टमबाट संगीतको मज्जा लिने विश्वास लिएको छ । यो फेस्टले पाटनको स्थानीय पर्यटनलाई समेत प्रोत्साहन गर्ने विश्वास लिइएको छ ।