‘अभिमन्यु’ को छायांकन सुरु, भदौमा रिलिज तयारी

सुशान्त गौतमको निर्देशनमा तयार हुने चलचित्र ‘अभिमन्यु’ को शुभमुहूर्त गरिएको छ । निर्माणपक्षले आज कीर्तिपुरमा चलचित्रको पूजा गर्दै शुभमुहूर्त गरेको हो । मुहूर्त सट लिइएसँगै चलचित्रको छायांकन सुरु भएको छ । ‘अभिमन्यु’ मा गौमाया गुरुङ, सरिता गिरी, लक्ष्मी बर्देबा, शिशिर वाङ्देल, किरण श्रेष्ठ लगायत कलाकार मुख्य भूमिकामा छन् ।

विनोद पौडेलको निर्माणमा सेभेन सिज सिनेमाको प्रस्तुती रहने चलचित्र आगामी भदौ २७ गतेबाट रिलिज हुँदैछ। केहि समय अगाडी सार्वजनिक चलचित्रको थिम पोस्टरले चक्रव्यूह र पैसाबीचको संघर्षलाई प्रस्तुत गर्ने संकेत गरेको थियो । मुकेश खनालको लेखन रहेको चलचित्रको क्रिएटिभ निर्देशक मदन थापा हुन् । थापाले यसअघि चलचित्र ‘बाटो : रोड टु डेथ’ निर्देशन गरेका थिए । विनोद पौडेल र गुञ्जन गिरी निर्माता रहेको चलचित्रमा रमेश चौलागाई र हरि श्रेष्ठ सह–निर्माता रहेका छन् ।