हलमा अञ्जना बराइलीको ‘डोरी’, हिट ह्याट्रिक गर्ने अवसर

अभिनेत्री अञ्जना बराइली लगातार चलचित्र सफलताको स्वाद चाखिरहेकी छिन्। जेठमा ‘पूजार सार्की’ र कात्तिकमा ‘पूर्णबहादुरको सारङ्गी’ सुपरहिट बनाएकी अञ्जनाको नयाँ चलचित्र ‘डोरी’ आजबाट रिलिज भएको छ। यो चलचित्र सफल भएमा यहि बर्ष उनको सफलताको ह्याट्रिक हुनेछ।

देशभर १ सय शो पाएको चलचित्रलाई अरुण लामाले निर्देशन गरेका छन् । निर्देशक लामा स्वयंको लेखन तथा अभिनय रहेको चलचित्रमा अञ्जनाको साथमा प्रवीण खतिवडा, शिशिर बाङ्देल, प्रकाश घिमिरे, राज पौडेल, कविता आले, नूतन, राज थापा, वीरेन्द्र सिंह कुशवाहा, शारदा अधिकारी, प्रेम सुब्बा, सजन श्रेष्ठ लगायतको पनि अभिनय छ । चलचित्रका निर्माता दिनेश भट्टराई हुन् भने कार्यकारी निर्मातामा राज थापा छन् ।