‘कर्मा’ गीतमा सुशान्त केसीको स्वर, भिडियोमा आफै देखिदै

नेपाली युवापुस्तामा गायक सुशान्त केसीको क्रेज आकर्षक रहेको छ। आफ्ना गीतबाट लाखौ शुभचिन्तक कमाएका केसी अव पार्श्व गायनमा डेव्यु गर्ने भएका छन्। चैत्र २९ गतेबाट रिलिज तयारीमा रहेको चलचित्र ‘कर्मा’ को गीतबाट उनले पार्श्व गायनको सुरुवात गरेका हुन्। चलचित्रमा समावेश ‘पागल पागल जस्तै’ बोलको गीतमा सुशान्तको शब्द, संगीत र गायन रहनेछ। उनको गीतको भिडियो समेत छायांकन भएको छ। केहि दिन अगाडी खिचिएको भिडियोमा उनि स्वयम देखिनेछन्।

सुशान्तको भाग मात्र बाँकी रहेर गीतको भिडियो दाङमा खिचिएको थियो । जसमा चलचित्रका मुख्य अभिनेता विपिन कार्की र अभिनेत्री उपासना सिंह ठकुरीलाई देख्न सकिनेछ । यही शनिबार गीत सार्वजनिक गर्ने तयारीमा निर्माण टिम रहेको छ।
वसन्त लम्सालको लगानी रहेको चलचित्रमा विपिन कार्की, उपासना सिंह ठकुरी, मुकुन भुसाल, सरिता गिरी, बेन बस्नेत, दिव्य देव पन्त, सुज्यान सिलवाल, अनिल बुढाथोकी लगायतको अभिनय छ ।