कस्तो होला ‘कर्मा’ मा विपिन र मुकुनको लडाई ?
चैत्र २९ गतेबाट रिलिज तयारीमा रहेको चलचित्र ‘कर्मा’ लाई सौरभ चौधरीले निर्देशन गरेका छन्। यो चलचित्र मार्फत पहिलोपटक विपिन कार्की एक्सन भूमिकामा देखिएका छन् भने मुकुन भुषाल पनि पहिलोपटक नै खलपात्रको भूमिकामा देखिदैछन्। पहिलोपटक विपिन र मुकुनको आमुन्ने सामुन्नेको लडाई रोचक हुने विश्वास गरिएको छ। निर्देशक चौधरीले दुवैको लडाई दर्शककाल लागी हेर्न लायक हुने विस्वास गरेका छन्।

दुवै पोजेटिभ क्यारेक्टरमा देखिँदै आएका यी कलाकारको आपसी टकराव ‘कर्मा’ मा कस्तो हुनेछ, प्रतिक्षाको विषय बनेको छ । चलचित्रमा पोजेटिभ पात्रहरूको नेतृत्व विपीनले गर्दा नेगेटिभ पात्रहरूले अगुवाइ मुकुनले गरिरहेको टिजरमा पनि देखिएको छ । विपिन र मुकुनको एक्सन पूर्ण रुपमा हेर्न चलचित्र नै हेर्न पर्ने र त्यो दर्शकका लागी नयाँ अनुभूति हुने निर्देशक चौधरीको विस्वास रहेको छ।
स्वयम् मुकुन पनि पहिलोपटक खलपात्रको भूमिकामा प्रस्तुत हुन् उत्साहित रहेका छन्। उनले चलचित्रमा खलपात्रको भूमिका गर्दा एक कलाकारले खेल्ने धेरै ठाउँ पाउने अनुभूति गरेका छन्। उसो त पढाइको बिषयमा पनि व्याचलर र मास्टर्समा उनले यस्तै बिषयमा थेसिस गरेका थिए। चलचित्रमा विपिन र मुकुनको साथमा उपासना सिंह ठकुरी, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मा लगायतको अभिनय रहेको छ ।
नेपाल र विदेशमा एकसाथ प्रदर्शन हुने चलचित्रमा वसन्त लम्सालको लगानी छ । चलचित्रमा भाष्कर स्वाँरको संगीत निर्देशन, कविराज गहतराजको कोरियोग्राफी छ , श्री श्रेष्ठको द्वन्द्व निर्देशन र निमेष श्रेष्ठको सम्पादन छ ।