‘महाभोज’ का लागी निश्चलले रेकर्ड गरे ‘लालुमै’

जेठ १५ गतेबाट रिलिजको तयारीमा रहेको चलचित्र ‘महाभोज’ का लागी निश्चल बस्नेतले स्वर दिएका छन्। चलचित्रमा समावेश रहेको ‘लालुमै’ बोलको गीतमा दर्शकले निश्चलको स्वर सुन्नेछन् । गीतमा हर्क साउदको शब्द र केतन क्षेत्रीको संगीत रहेको छ। दिनेश राउतको निर्देशनमा तयार भएको चलचित्रमा हिमाल कडरियाको लगानी रहेको छ।

निश्चलले दिनेशको निर्देशनमा तयार भएको चलचित्र ‘पर्व’ को गीतमा पनि स्वर दिएका थिए। ‘कले दाई काले दाई’ बोलको उक्त गीतमा निश्चल स्वयंमले अभिनय गरेका थिए भने गीतको अडियो भिडियो दुवै सफल बनेका थिए।

चलचित्रमा आर्यन सिग्देल, दयाहाङ राई, खगेन्द्र लामिछाने, अञ्जना बराइली, गौमाया गुरुङ, मलिका महत, वसुन्धरा भुसाल, मोहन निरौला, वुद्दि तामाङ, कमलमणि नेपाल, पुष्कर गुरुङ, विनोद न्यौपाने, आभा अर्याल, वीरेन्द्र सिंह कुशवाह लगायतको अभिनय रहेको छ । क्लक वर्क क्रियशनको र पिक्चर फ्रेमको संयुक्त व्यानरमा निर्माण भएको यो चलचित्रमा विकास सुवेदीको लेखन छ ।