संजय लिला भन्सालीसंग कुन चलचित्रमा काम गर्दैछिन् निकिता चाण्डक?

मिस नेपाल निकिता चाण्डक बलिउडमा प्रवेश गरेकी छिन्। नेपाली चलचित्र ‘साङ्ग्लो’ बाट आफ्नो अभिनय यात्रा सुरुवात गरेकी निकिताले अभिनय गरको चलचित्र ‘राजगन्ज’ चैत्र १ गतेबाट रिलिज भएको छ। समिक्षकको राम्रो समिक्षा र अन्तराष्ट्रिय चलचित्र महोत्सवमा उत्कृष्ट प्रतिक्रिया बटुलेको चलचित्रमा उनको कामको प्रसंसा भैरहेको छ।

अब भने उनको चलचित्र यात्राले नयाँ मोड लिएको छ । उनी भारतीय सफल निर्देशक संजय लिला भन्सालीसंग काम गरिरहेकी छिन्। निकिताले आफ्नो सामाजिक संजाल मार्फत यो कुराको पुष्टि समेत गरेकी छिन्। उनले भन्सालीसंगको फोटो शेयर गर्दै उनको दुनियाँको एउटा सानो हिस्सा बन्न पाउँदा आभारी र उत्साहित रहेको बताएकी छिन्। उनले कुन प्रोजेक्ट बाट बलिउड यात्राको सुरुवात गर्न लागेको भने उल्लेख गरेकी छैनन्। भन्साली यतिबेला चलचित्र ‘लभ एन्ड वार’ बनाईरहेका छन्। यो चलचित्रमा रणवीर कपूर, विक्की कौशल र आलिया भट्ट प्रमुख भूमिकामा रहेका छन्। भन्सालीसंगको सहकार्यले निकितालाई बलिउडमा आफ्नो स्थान बनाउन सजिलो हुनेछ।