सौगात र श्रृष्टीको इन्गेजमेन्टको समाचार के हो?, यस्तो छ जवाफ

अभिनेता सौगात मल्ल र अभिनेत्री श्रृष्टी श्रेष्ठको प्रेम धेरैका लागी आइडल थियो । यो जोडीलाई लिएर दर्शक र चलचित्रकर्मीको शुभेक्छ सधै थियो। लामो प्रेम सम्बन्धपछि विवाहको तयारीमा रहेको यो जोडीको ब्रेकअपको खबर बाहिरियो। दुवैले अलग अलग भएर आफ्नो यात्रा सुरुवात गरे । दुवैको एकअर्का प्रति कुनै नकारात्मक भाव नरहेको दुवैका अन्तर्वार्ताबाट प्रस्ट हुन्थ्यो। यो जोडीको ब्रेकअपको खबर जति बाहिरियो अहिले पुर्नमिलनको खबर पनि उस्तै फैलिरहेको छ।

सौगात र श्रृष्टीको इन्गेजमेन्टको डेटसम्म बाहिरिएको थियो केहि संचारमाध्यममा। चैत्र ३ गते दुवैले इन्गेजमेन्ट गर्न लागेको खबर बाहिरिएको थियो। केहि दिन अगाडी एक चलचित्रको कार्यक्रममा अभिनेता सौगात मल्लले यो इन्गेजमेन्ट र विवाहको कुरालाई नकारेका थिए।
यहि प्रश्न श्रृष्टी श्रेष्ठलाई पनि गरियो। जवाफमा उनले भनिन्–‘हामी पहिले पनि झगडा गरेर नराम्रो भएर अलग भएका थिएनौँ । के कारण अलग भएका हौं भन्ने सबैलाई थाहा छ । अहिले हामीबिच राम्रो सम्बन्ध पनि छ ।’

यतिबेला दुवै पुन: प्रेम सम्बन्धमा रहेको यसबाट अनुमान लगाउन सकिन्छ। चैत्र ३ गतेको खबर भने शृष्टिले पनि अस्विकार गरिन। उनले आफुले पनि मिडियामा नै खबर थाह पाएको र सुनेर रमाइलो लागेको प्रतिक्रिया दिईन्। तर प्रेम र हुन् लागेको विवाह बारे भने नकार्न उनले सकिनन्।