कस्तो छ चलचित्र ‘११:५५’ को पहिलो गीत ‘रोक्ने छैन्’ ?

केशव पाण्डेको डेव्यु निर्देशनमा निर्माण भएको चलचित्र ‘११:५५’ (डु नट ट्रस्ट एनिवन) को पहिलो गीत सार्वजनिक भएको छ । शुक्रबार सार्वजनिक चलचित्र को पहिलो गीत ‘रोक्ने छैन्’ मा अल्मोडा राणा उप्रेतीको शब्द, संगीत र स्वर रहेको छ । सुमन परियारको पनि स्वर रहेको गीतालाई अल्मोडा आफैले एरेञ्ज गरेका हुन् ।

कविराज गहतराजको कोरियोग्राफी रहेको गीतको भिडियोमा चलचित्रका मुख्य कलाकारहरु सृष्टि श्रेष्ठ, महेश त्रिपाठी, करिष्मा श्रेष्ठ र डेव्यु अभिनेता सागर खनाल फिचर्ड छन् ।

चलचित्रमा एमएस अग्रज, बुद्धि तामाङ, विशाल पहारीको पनि अभिनय रहेको छ । क्राइम थ्रिलर जनरामा निर्माण भएको चलचित्रको लेखनमा डेव्यु निर्देशक पाण्डेसँगै एमएस अग्रज र शेखर ज्ञवालीले साथ दिएका छन् ।

बिचित्र फिल्मस् र गुड जब आर्ट्सको व्यानरमा निर्माण भएको चलचित्र मा श्याम शर्मा र सरोजा शर्माको लगानी छ । चलचित्र का कार्यकारी निर्माता एमएस अग्रज हुन् ।