‘कमेडी दरबार’ मा विजय बरालको स्थानमा मनोज गजुरेलको प्रवेश, नयाँ होष्टको इन्ट्री

पछिल्लो समय कमेडी टिभी शो ‘कमेडी दरबार’ को चर्चा राम्रो रहेको छ। दर्शकको राम्रो साथ पाएको यो शोमा महाराजा र महारानीको रुपमा विजय बराल र गौरी मल्ल रहेका छन्। २६ औं एपिसोडसम्म यी दुवैलाई देखिनेछ। विजय बराल शो बाट बाहिरिने चर्चा केहि समय अगाडी रहेको थियो। उनले चलचित्रको व्यस्तताको कारणले शोलाई समय दिन नसक्ने जानकारी दिएका थिए। उनको स्थानमा अव मनोज गजुरेलको प्रवेश भएको छ । सोमबार एक पत्रकार सम्मेलनको बीचमा शोको निर्माण टिमले यो जानकारी दिएको हो।

२७ औं एपिसोडबाट गजुरेललाई महाराजाको भूमिकामा देख्न पाइने भएको छ । शो को होस्ट पनि परिवर्तन भएकी छिन्। पुर्व मिस नेपाल नम्रता श्रेष्ठको स्थानमा मिस सुप्रान्यासनल २०२४ की विजेता सजिना खनालको प्रवेश भएको छ । अव यो शो सजिना र विक्की अग्रवाल मिलेर होस्ट गर्नेछन्। यो शो प्राइम टाइम टेलिभिजनमा प्रशारण हुँदै आएको छ ।