गायिका ‘निरु’को ‘टुक्रिएको मन’ मा मिस पबीलाई कसले दियो धोका ?
निर्मला घिमिरे ‘निरु’ को स्वरमा ‘टुक्रिएको मन’ बोलको गीत सार्वजनिक भएको छ । वियोगान्त भावको गीतलाई कृष्ण बुढाथोकीले लेखेका हुन् भने संगीत डाक्टर किराँतले दिएका हुन् ।
गीतले प्रेममा आघात पाएकी एक नारीको पीडा व्यक्त गर्छ । गीतको भिडियो निर्देशक सबिर श्रेष्ठले निर्देशन गरेका हुन् । श्रेष्ठ निर्देशित गीतमा टिकटकबाट चर्चित बनेकी र पछिल्लो समय कमेडी दरबारबाट छाएकी मिस पबी, रमेश चन्द सोडारीको साथमा झरना रिसालको अभिनय गरेकी छन् ।
गीतलाई शिव ढकालले खिचेका हुन् भने सम्पादन राम प्रसाद चौधरीले गरेका छन् । भिडियोका निर्माता गायिका घिमिरे र रंग एन पौडेल हुन् भने कार्यकारी निर्मातामा गोपाल कटुवाल रहेका छन् ।