‘रंगी’ गीतमा टिकटक बनाउनुहोस्, आकर्षक पुरस्कार जित्नुहोस्

आगामी फागुन २ गतेबाट रिलिज हुने चलचित्र ‘रंगी’ ले दर्शकका लागि गीत ‘छ भने माया’ मा टिकटक अफर ल्याएको छ । चलचित्रको टिमले प्रचारप्रसारका लागि दर्शक लक्षित टिकटक अफर ल्याएको हो ।

जसअनुसार बाबुछोरीले यो गीतमा टिकटक बनाउनुपर्नेछ । चलचित्रका प्रस्तुतकर्ता तथा प्रमुख कलाकार सलोन बस्नेतका अनुसार उत्कृष्ट टिकटक बनाउने पाँच बाबुछोरीले चलचित्रको प्रिमियरमा कलाकारसँगै बसेर फिल्म हेर्न पाउनेछन् । पुरस्कृत बाबुछोरीको जोडीले राइनो लेदरको तर्फबाट आकर्षक पुरस्कार पनि पाउनेछन् ।

बाबुछोरीको कथा बोल्ने चलचित्रमा सलोन बस्नेत, आयुषी ढकाल, नम्रता श्रेष्ठ, दिलीप रायमाझी, उत्तम केसी, सुमिन गुरुङ र विशाल पहारीको अभिनय छ । सुरेश न्यौपानेको ‘डेब्यू’ निर्देशन रहेको चलचित्र ‘रंगी’ सान्भी इन्टरटेनमेन्ट प्रालिको व्यानरमा निर्माण भएको हो ।
सक्षम सुवेदी, करिश्मा केसी बस्नेत र अनिश गौतमको निर्माण रहेको चलचित्रमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, आनन्द कार्की, आमेश भण्डारी, भीम बिसी, समीक्षा अधिकारी र सुजता केसीको स्वर, दुर्गेश थापा, आमेश भण्डारी र भीम बिसीको शब्द रहेको छ ।