बाल मनोविज्ञानको कथामा ऋचा शर्माको ‘सारंग’ ट्रेलर

माघ २५ गतेबाट चलचित्र ‘सारंग’ रिलिज हुँदैछ। अभिनेत्री ऋचा शर्मा मुख्य भूमिकामा रहेको चलचित्रको ट्रेलर बिहिबार सार्वजनिक भएको छ। सार्वजनिक ट्रेलरले परिवारको कलहले बच्चामा पर्ने असर लाई प्रस्तुत गरेको छ। साथमा दुई फरक आर्थिक हैसियतका बालकहरुको मित्रतालाई पनि ट्रेलरमा स्थान दिईएको छ।

ट्रेलरले आम परिवारको कथा बोलेको छ। प्रशान्त तामाङको लेखन तथा निर्देशनमा तयार भएको चलचित्रमा ऋचासहित उत्पल झा, सुरज तमु, समीरमणि दीक्षित, मणि के राई, अनिषा न्यौपाने, निरज ब्ल्याक, विश्व स्याङ्बो, दीपिका थापा, सुमन सागर जंग केसी, प्रभात श्रेष्ठ, बालकलाकारद्वय सम्राट थापा र आदित्य कार्की लगायतको अभिनय छ । प्रेम तामाङ र फूलमाया तामाङ निर्माता रहेको चलचित्रमा पुष्पा लिम्बू र बिनु गुरुङ सह-निर्माता रहेका छन् ।