‘मायाबी’को नयाँ गीतः दीपिकाको बिहेमा भावुक पल

फागुनको १४ गतेबाट रिलिजमा आउन लागेको चलचित्र ‘मायाबी’ नयाँ गीत सार्वजनिक भएको छ। निर्माणपक्षले चलचित्रमा समावेश गीत ‘सितारा जडेको’ सार्वजनिक गरेको छ । यो चलचित्रको सार्वजनिक तेश्रो गीत हो। यो गीतमा दिक्षित पौडेल र समिरा थपलियाको स्वर, शम्भुजित बास्कोटाको संगीत, दयाराम पाण्डे र दिवाकर भट्टराइको शब्द छ ।

दिवाकर भट्टराइले नै कोरियोग्राफी गरेको यो गीतको भिडियोमा चलचित्रका मुख्य कलाकारहरु नायक पल शाह, नायिका दीपिका प्रसाँई, नव–नायक समिम खान, कलाकारहरु प्रशान्त ताम्राकार, सुशिल सिटौला, करिश्मा श्रेष्ठ लगायतलाई देख्न सकिन्छ । गीतले बिहेको बिदाइको पललाई भावुकताका साथ बर्णन गरेको छ ।

दिवाकर भट्टराइको लेखन तथा निर्देशनमा तयार भएको चलचित्रमा लक्ष्मी गिरी, अंशु महर्जन, रवि डंगोल, रमा प्रसाँई, दीपेन्द्र सिम्खडा, संगीता सिलवाल लगायतका कलाकारहरुको पनि अभिनय छ ।
ध्रुव न्यौपाने, राज कटुवाल र चन्द्र पन्तको लगानी रहेको चलचित्रमा मञ्जु भण्डारी, राजु पराजुली र सुमिन ओली सह–निर्माताको रुपमा छन् । प्रविण भट्टराई र करण सिंह कार्यकारी निर्माता रहेको यो चलचित्रमा नेम महर्जनको पनि लगानी छ ।