कस्तो छ कर्णालीको कथामा बनेको ‘द्रौपदी’ टीजर?

ऋषिराज आचार्यको पटकथा, निर्देशन र संवाद रहेको चलचित्र ‘द्रौपदी’ को मर्मस्पर्शी टिजर सार्वजनिक भएको छ । कर्णालीको परिवेश र कथा चित्रण गरिएको चलचित्रको टिजरले कर्णाली र स्थानीय महिलाले भोग्नुपर्ने समस्याको साथमा थलो शे फोक्सुण्डो ताल लगायतका रमणीय थलोका दृश्य समेटेको छ।

एक महिला पात्रको वरिपरि घुमेको टीजरले महिला संवेदनालाई प्रस्तुत गरेको छ। चलचित्रमा आश्विनी शाह शीर्ष भूमिकामा छिन् । गायक रवि ओड, जेल्सन अधिकारी, सुजाता तिमल्सिना, विष्णु ठडराई, प्रकाश ज्ञवाली, सीता बौडेल, सुरज अधिकारी र निर्देशक आचार्य लगायतका कलाकरको अभिनय चलचित्रमा रहेको छ।

आरबी मूभिजको ब्यानरमा बनेको चलचित्रका निर्माता आचार्य र प्रकाश ज्ञवाली हुन् भने ऋतु आचार्य र सुबास ठडराई सह-निर्माता हुन् ।