‘एक्लो’ मा वृद्ध विजय लामा, ‘भिष्म’ बनेर देखिदै

प्रदीप शाहीको निर्देशनमा तयार भएको चलचित्र ‘एक्लो’ को रिलिज मिति तय गरिएको छैन। चलचित्रको पोष्ट प्रोडक्सनको काम यतिबेला बेलायतमा भैरहेको छ। पोष्ट प्रोडक्सनमा रहेको चलचित्रका कलाकारको क्यारेक्टर पोष्टर भने निर्माण टिमले सार्वजनिक गर्दै आइरहेको छ।

यहि बीचमा निर्माण टिमले कलाकार विजय लामाको क्यारेक्टर पोस्टर सार्वजनिक गरेको छ । वृद्धको गेटअपमा देखिएको विजयलाई ‘भिस्म’ पात्रको रुपमा प्रस्तुत गरिएको छ।
चलचित्रमा प्रदीप खड्का, विजय लामा, सुनील थापा, दीया पुन, बेनिशा हमाल, दिनेश डीसी, कविता नेपाली, सुरज सिंह ठकुरी, त्रिचु राई, कृष्णभक्त महर्जन लगायतका कलाकारहरूको अभिनय छ ।