‘अन्जिला’ को गीत ‘डल्ले डल्ले खुर्सानी’ मा दया र मिरुनाको छमछामी

नेपाली राष्ट्रिय महिला फुटबल टोलीकि कप्तान तथा गोलरक्षक  एञ्जिला तुम्बापो सुब्बाको जीवनमा आधारित चलचित्र ‘एन्जिला’ को पहिलो गीत सार्वजनिक भएको छ। राजनराज शिवाकोटी र मेलिना राईको आवाजमा रहेको ‘डल्ले डल्ले खुर्सानी’ गीत सार्वजनिक भएको हो ।

गीतमा राजनराजको शब्द र संगीत रहेको छ। लोक लयमा आधारित रहेको गीतका सहाबाद मौलिक रहेका छन् । भिडियोमा दयाहाङ राइ र मिरुना मगर फिचर रहेका छन्। कविराज गहतराजको कोरियोग्राफीमा तयार भएको भिडियोमा दुवैको जोडी आकर्षक देखिएको छ। राम कुमार केसीले भिडियोलाई खिचेका छन्।

मिलन चाम्सको निर्देशनमा तयार भएको चलचित्र फागुन २९ गतेबाट नेपालमा रिलिज हुँदैछ। केहि देशमा यसको प्रिमियर सम्पन्न बैसकेको छ। चलचित्रमा  एञ्जिला तुम्बापो सुब्बा स्वयम् प्रमुख भूमिकामा रहेकी छिन्। उनको साथमा दयाहाङ राई, सृजना सुब्बा, माओत्से गुरुङ्ग, विजय बराल, बुद्धि तामाङ्ग, सुनिल थापा, बेदना राई लगायतका कलाकारको अभिनय रहेको छ। प्रेम कुमार श्रेष्ठ निर्माता रहेको चलचित्रमा तुबेन्द्र लिम्बू, व्नोद अग्रवाल र राजेस बग्दिया सह-निर्माताको रुपमा रहेका छन्।