दर्शकले रुचाए प्रदिपको एक्सन, ‘पिताम्बर’ टिजरको भ्युज र प्रतिक्रिया उत्कृष्ट

स्टारको जम्बो टोलीलाई एकसाथ राखेर निर्देशक कृषा चौलागाईले चलचित्र ‘पिताम्बर’ निर्माण र निर्देशन गरिन् । लामो समय चलचित्र निर्माणमा सक्रिय कृषाको यो दोश्रो निर्देशकीय चलचित्र हो।

चैत्र २९ गतेबाट रिलिज तयारीमा रहेको चलचित्रको टिजर केहि दिन अगाडी सार्वजनिक गरिएको थियो। एक्सन प्रधान टिजरले दर्शकको मन जित्न सफल भएको छ। रिलिजको २४ घन्टा नपुग्दै १० लाख बढी भ्यूज पाएको टिजरलाई दर्शकले उत्कृष्ट प्रतिक्रिया दिएका छन्। नायक सौगात मल्लको गेटअप र संवादको साथमा प्रदिपको एक्सन अवतारलाई दर्शकले उत्कृष्ट भनेका छन्।

चलचित्रमा दयाहाङ राई, आर्यन सिग्देल, अनुप विक्रम शाही, सुरक्षा पन्त, गौरी मल्ल, रवीन्द्र झा, प्रमोद अग्रहरी, कामेश्वर चौरासिया, दिव्य देव पन्त, दिव्या रायमाझी, गौरव बिष्ट लगायतका कलाकारहरुको अभिनय छ ।