‘पिताम्बर’ टिजरलाई सकारात्मक प्रतिक्रिया, एक्सन अवतारमा प्रदिप र सौगात

एक्सन ड्रामा ‘पिताम्बर’ को एक्सन प्याक टिजर लाई दर्शकले रुचाएका छन्। नयाँ बर्षको अवसर पारेर चैत्र २९ गतेबाट रिलिज हुने चलचित्रको टिजर सोमबार सार्वजनिक गरिएको थियो। मल्टिस्टारर चलचित्रको टिजर कलाकार दिव्य देवले महाभारतको उद्धरण ‘यदा यदा ही धर्मस्य’बाट वाचन गरेपछि सुरु हुन्छ। टीजरमा कलाकारहरु प्रदीप खड्का, अनुपविक्रम शाही, दयाहाङ राई, सौगात मल्ल, सुरक्षा पन्त, सुपुष्पा भट्ट, दिव्या रायमाझी, रविन्द्र झा अँटाएका छन् । प्रदीप ,अनुप र सौगातको एक्सनलाई स्थापित गरिएको टिजरमा दया प्रहरीको भूमिकामा रहेका छन्।

केपी फिल्मस् र पुरुषोत्तम प्रधान फिल्मस्को व्यानरमा निर्माण भएको चलचित्रमा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रविन्द्र झा, प्रमोद अग्रहरि, कामेश्वर चौरासिया, टिका पहाडी, सुलभ पहाडी, सुरवीर पण्डित, विशाल पहाडी, दिव्यदेव पन्त, सुपुष्पा भट्ट, दिव्या रायमाझी, गौरव विष्ट, आशिष पुरुष, ललित विष्ट, किशोर भट्ट, विनोदकुमार पौडेल, नारायण काफ्ले र रविन्द्र भट्टराईको अभिनय छ । चलचित्रमा बाल कलाकारका रुपमा आर्नव घिमिरे, प्रयुस दत्त सुवेदी, आध्य लामिछाने, आरोह चौलागाईं र सुप्रोल बुढाथोकी(अनमोल)ले समेत अभिनय गरेका छन् ।

विशाल चौलागाईं निर्माता रहेको चलचित्रमा पुरुषोत्तम प्रधान, आध्य लामिछाने र आरोह चौलागाईं सह–निर्माता, सुमन गौतम कार्यकारी निर्माता रहेका छन्। चलचित्रको सार्वजनिक टिजरलाइ दर्शकले रुचाएका छन्। दर्शकले नयाँ स्वाद र पावरफुल एक्सन सहितको टिजर भनेर प्रतिक्रिया जनाइरहेका छन्।